Amatora y'Inzego z'ibanze yarasubitswe. Dore ibikubiye mu Iteka rya Minisitiri risubika amatora ryasohotse mu Igazeti ya Leta yo kuwa 10/02/2021

ITEKA RYA MINISITIRI N° 001/07.01 RYO KU WA 10/02/2021 RIMENYESHA ISUBIKWA RY’AMATORA KUBERA INZITIZI NTARENGWA

Ingingo ya mbere: Imenyesha ry’isubikwa ry’amatora kubera inzitizi ntarengwa:

Kubera ko hari inzitizi ntarengwa y’ubukana bw’icyorezo cya COVID-19 buri mu Gihugu hose, amatora yari ateganyijwe kuba muri Gashyantare na Werurwe 2021 arasubitswe.

Ingingo ya 2: Amatora asubitswe :Amatora asubitswe avugwa mu ngingo ya mbere y’iri teka ni aya akurikira:

1 º itora ry’abayobozi b’inzego z’ibanze ku rwego rw’Umudugudu, urw’Akagari, urw’Umurenge n’urw’Akarere;

2 º itora ry’abagize Komite Nyobozi y’Inama y’Igihugu y’Abagore, iry’abagize Komite Nyobozi y’Inama y’Igihugu y’Urubyiruko n’iry’abagize Komite Nyobozi y’Inama y’Igihugu y’Abantu bafite ubumuga, mu nzego z’imitegekere y’Igihugu.

Ingingo ya 3: Igihe cy’isubikwa ry’amatora Amatora avugwa muri iri teka asubitswe kugeza igihe inzitizi ntarengwa ivugwa mu ngingo ya mbere y’iri teka ivuyeho.

Ingingo ya 4: Ivanwaho ry’ingingo zinyuranyije n’iri teka Ingingo zose z’amateka abanziriza iri kandi zinyuranyije na ryo zivanyweho.